مصر الحكاوى ع القهاوى والملل
والطنطنة والنفسنه والمحسوبية والجدل
وموظفين ساقعة كما القهوة ومن غير وش
مصر العساكر فى الميدان والبلطجية
وأمين بيزعق فى القطيع
كفه كما غدر الزمان
عشش فى عضم الكهل
وف دمع الرضيع
مصر البراءه فى الشوارع
بتبيع نصيبها من الفرح
لجل الرغيف
مصر المشايخ والقسس
بيحرموا زعق الغريق
ويهللوا للبحر والموج الجرئ
مصر المقابر للحياة
والموت لفك الاشتباك
باهته كما الميه
ساذجه
كما الغر اللى بيسمى ويشرب
ويحمد ربنا على أي حاجه
ويقول رضا ..
مصر البيوت التايهه فى الملكوت
تهرب ..
تموت م الغربة والاشواق
ترجع..
تعيش تايه
وبرده تموت
لا اله الا الله محمد رسول الله
الماضى والحاضر
يوسف أحمد محمد طلعت
يوسف أحمد طلعت
اشتراك في
المشاركات
تعليقات
الاشتراك في:
تعليقات الرسالة (Atom)
هناك تعليق واحد:
البلوج بتاعك جميل جدا وخاصة هذا ياريت تكتر من احداث القصه شويه (بنت وولد)
وجميله الاشعا اللي بتختارها
وعلي فكره انا جديده في موضوع المدونات ده فانا اخطو خطواتي الاولي لذا انا متشكره علي تعزيزك لي
إرسال تعليق